VIGAN CITY – Dead on arrival ni Nelson Napuni Ragasa, agtawen iti limapulo ket lima, taga-Barangay Bulbulala, Santiago gapu ti panagdinnungpar ti minanehona a motorsiklo iti maysa a Toyota Hilux iti nasao met laeng a lugar.
Ti Hilux ket minaneho ni Maximo Ringor Pablo Jr, taga-Barangay Pamplona, Cagayan.
Agpapa-amianan a direksyon ti Hilux idin ta immagaw ti linya ti motorsiklo a mapapati a nap ket napasamak ti head-on collision.
Iti pannaki-uman ti Bombo Radyo Vigan ken ni Pablo, saanda a napakadaan ti napasamak gapu ta addada iti kurbada a paset ti kalsada idi napasamak ti aksidente.
Pinasingkedanna nga adda helmet ni Ragasa ngem daytoy ket saan a nakasuot kenkuana no di ket nakaikabil laeng iti takyagna.
Nupay kasta, nagsagaba iti dunor ti ulo ken bagina ti nagmaneho iti motorsiklo a naipaagas iti Candon General Hospital ngem naideklarar a dead on arrival.
Saan met a naan-ano ti nagmaneho iti Hilux nga ita ket nakakustodia kadagiti pannakabagi ti linteg tapno dumalan iti husto a proseso.
