VIGAN CITY – Natayen idi naisangpet iti pagagasan ni Manolito Ducusin, agtawen iti limapulo ket lima a taga-Padayao, Burgos gapu iti panagdinnungpar ti motorsiklona ken ti maysa nga owner type jeep idiay Brgy. Dan-ar, Santiago.
Ti jeep ket minaneho ni Sherman Bagay, agtawen iti tallopulo ket uppat, mekaniko a taga-Brgy. Tablac, Candon City.
Agpapa-amianan a direksion ti motorsiklo iti national highway idin ta bigla a napan iti bangir a linya ti jeep a nakasinnabetna ngem nagsubli met laeng iti husto a dalanna.
Gapu ti dayta, pinadas ti drayber ti motorsiklo a liklikan ngem napasamaken ti panagdinnungpar a nakasagrapanna iti nakaro a dunor isu a naipaagas iti Candon General Hospital ngem saanen a naisalakan ti biagna.
Kabayatanna, naipan iti isu met laeng nga ospital ti drayber ti jeep para iti medical examination sakbay a naipan iti Santiago Police Station para ti proper disposition.
