VIGAN CITY – Maysa ti pimmusay iti napasamak a panagdinnungpar ti maysa a mini bus ken van idiay Brgy. Dan-ar, Santiago.
Nabigbig ti pimmusay a ni Gertrudis Pabillonar agtawen ti innem a pulo ket siam agnaed ti Brgy. Sabuanan, Sta. Lucia ken ti nagmaneho ti naglugananna a Hi-Ace van a ni Mariano Alamani Aagusan, agtawen ti lima pulo ket lima a kapitan ti Brgy. Sabuanan kenni Joel Escobar agtawen ti uppat a pulo ket pito nga agnaed ti Brgy. Taleb, Bantay a driver ti mini bus.
Iti pannaki-uman ti Bombo Radyo Vigan ken ni Plt Godofredo Ribuyaco , Officer in charge ti Santigo Municipal Police Station , agawiden dagiti nakalugan ti van nga agpapada amin nga agnaed ti Brgy. Sabuanan ken opisyales ti barangay a nagggapo iti siudad ti Vigan idi nakadanun iti nakapasamak ti aksidente idi inovertake’an ni Mariano ti maysa a motorsiklo iso a naidungpar ti sumungsungad a mini bus.
Naipan ti ospital dagiti biktima para iti pannakatamingda ngem naideklara a dead on arrival ni Pabillonar babaen ti attending physicianna a ni Dr. Junnifer Banglay ta nagsabaga ti nakaro a dunor iti ulona.
