Uppat ti nadunor iti panagdinnungar ti kurong-kurong ken motorsiklo iti Barangay Banay, Sta. Cruz, Ilocos Sur.
Ti drayber ti kurong-kurong ket maysa a lalaki nga agtawen iti uppat a pulo ket innem, inluganna dagiti dua a lalaki nga agtawen iti duapulo ket dua ken uppat a pulo ket tallo, agpapada a taga-Barangay Bugbuga.
Ti met drayber ti motorsiklo ket lalaki a taga-Barangay Banay.
Agpapalaud ti kurong-kurong idinto nga adda iti bangir a linya ti motorsiklo ket nagdinnungparda gapu iti kaawan ti headlights dagiti dua a lugan.
Naitinnag iti kalsada dagiti dua a drayber ket nagsagrapda iti dunor.
Ti drayber ti motorsiklo ket naawanan iti puot isu a naitaray iti ISDH-Sta. Lucia, idinto a ti drayber ti kurong-kurong ken dagiti kinaluganna ket naipaagas iti ISMC, Candon City.
Naduktalan a nakainom dagiti karaman iti aksidente.
