Maysa ti natay iti panagdinnungpar ti kurong-kurong ken motorsiklo iti Provincial Road ti Barangay Palali Sur, Sta. Lucia, Ilocos Sur.
Nabigbig ti nagmaneho iti Black Rusi motorcycle a ni Mark Saludez Hafalla, agtawen iti tallopulo ket maysa, backrider-na ni Daryl Hafalla Undiana, agtawen iti duapulo ket maysa, construction worker, agpada a taga-Paoc Norte, Sta. Lucia.
Kabayatanna, ti met nagmaneho iti kurong-kurong ket ni Salvador Dumalanta Iluis, agtawen iti innem a pulo ket lima, taga-Barangay Conconig East, Sta. Lucia.
Agpapalaud ti motorsiklo idinto nga agpadaya ti kurong-kurong ket idi magtengna ti nakapasamakan ti insidente, inagaw ti motorsiklo ti linya ti kurong-kurong ket napasamak ti panagdinnungpar.
Nadunor dagiti dua a drayber a naipaagas iti ospital ngem naideklarar a dead on arrival ti drayber ti kurong-kurong.
