--Ads--
Maysa ti nadangran iti panagdinnungpar ti kotse ken motorsiklo idiay Barangay Pangpangdan, Sto. Domingo, Ilocos Sur.
Nabigbig ti nagmaneho iti kotse a ni Bernardo Ganibo Gonda, agtawen iti limapulo, taga-Sta. Cruz.
Ti met nagmaneho iti Yamaha R3 motorcycle ket ni Marvin Torida Dalo, agtawen iti duapulo ket tallo, taga-Barangay Cabigbigaan.
Agpapadaya ti kotse idin ta adda met iti bangir a linya ti motorsiklo ket idi nadanon ti nakapasamakan ti insidente, nagsikko ti kotse a saan a nagsenyal isu a napasamak ti panagdinnungparda.
-- ADVERTISEMENT --
Gapu dayta, agalen ti nagmotorsiklo ti sakit iti akin-kannigid nga abagana ket naipaagas iti ospital para iti pannakatamingna idinto a ti drayber ti kotse ket saan a naan-ano.
