--Ads--
Tallo ti nadunor iti aksidente a nakairamanan dagiti dua a motorsiklo idiay Barangay Poblacion Sur, Sta. Maria, Ilocos Sur.
Nabigbig ti nagmaneho iti TMX motorcycle a ni Eric Peru Dumalanta, agtawen iti duapulo ket maysa, taga-Lubong, Sta. Maria.
Ti met Yamaha Aerox motorcycle ket minaneho ni Jesrael Guzman Bragas, agtawen iti duapulo ket uppat, backrider-na ni Jessica Guzman Bragas, agtawen iti duapulo, agpada a taga-Barangay Ambugat, Burgos.
Agpapa-abagatan dagiti dua a lugan idin ta nag-overtake ti TMX iti left shoulder lane ti kalsada ket natukbobna ti Aerox.
-- ADVERTISEMENT --
Naawanan iti kontrol ti drayber ti TMX ket naidarusdosda iti kalsada agraman ti nagmaneho iti Aerox.
Nakainom ti drayber ti TMX idi mapasamak ti aksidente.
