--Ads--
Maysa ti nadangran iti panagdinnungpar ti MPV ken bus iti national highway idiay Barangay Becques, Tagudin, Ilocos Sur.
Ti Toyota Innova ket minaneho ti agtawen iti duapulo ket lima, taga-Taguig City idinto a ti bus ket minaneho ti agtawen iti tallopulo ket uppat, taga-Barangay San Isidro, Candon City.
Agpapa-abagatan ti MPV idinto nga adda iti bangir a linya ti bus, ket idi madanonda ti nakapasamakan ti insidente, nagdungsa ti drayber ti MPV ket napan iti bangir a linya isu a nagdinnungparda iti bus.
Nadunor dagiti dua a mata ti drayber ti MPV gapu kadagiti napittak a sarming ket naipaagas iti ospital para iti naan-anay a pannakatamingna.
-- ADVERTISEMENT --
Saan met a naan-ano ti nagmaneho iti bus ken ti pasaherona.
