Panagdinnungpar ti bus ken kotse, awan ti nadangran

Awan ti nadangran iti napasamak nga aksidente idiay Barangay Ayudante, Candon City, Ilocos Sur.

Karaman iti aksidente ti maysa a kotse a minaneho ti lalaki nga agtawen iti tallopulo ket lima, agnaed iti Barangay Patpata 1^st, Candon City.

Inluganna ti lalaki nga agtawen iti duapulo ket tallo nga agnaed iti Barangay Calimugtong, Galimuyod ken ti maysa a lalaki nga agtawen iti duapulo ket innem, agnaed iti Barangay Calaoa-an, Candon City.

Kabayatanna, ti met bus ket minaneho ti lalaki nga agtawen iti limapulo ket walo, agnaed iti Tondo, Manila.

Agpapa-abagatan ti kotse idinto nga adda iti bangir a linya ti bus.

Idi nadanonda ti nakapasamakan ti aksidente, immagaw ti bus iti linya ti kotse isu a napasamak ti head-on collision.