Panagdinnungpar iti dua a barko ti China, “dasurv” segun ti Atin Ito coalition

Arigna pakaragsakan ti maysa a coalition ti napasamak nga insidente a panagdinnungpar iti dua a barko iti China idiay Bajo de Masinloc.

Dayta ket babaen ti panagsarita ni Co-covenor ti Atin Ito coalition ken Akbayan president Rafaela David.

Kinunana a “dasurv” wenno rumbeng laeng dayta kadagiti barko iti China a mangtagtagikua iti teritoryo iti pagilian.

Innayon ni David a ti nagbalin nga addang iti China ket gappuanan laeng iti panagpeggad ti biag uray dagiti kamengda.