Dua ti nadangran iti panagdinnungpar dagiti dua a motorsiklo iti national highway ti Barangay Bitalag, Tagudin, Ilocos Sur a nakairamanan dagiti dua a motorsiklo.
Nabigbig ti nagmaneho iti Honda TMX Supremo motorcycle a ni Joel Lucero Gacilos, agtawen iti uppat a pulo ket walo, taga-Barangay Bimmanga, Tagudin.
Ti met nagmaneho iti Honda CB 125 motorcycle ket ni Ireneo Villanueva Jimeno Jr., agtawen iti pitopulo ket pito, taga-Barangay Bitalag.
Agpapa-abagatan ti TMX idinto a bimmallasiw iti national highway ti Honda CB motorcycle nga aggapu iti daya kangrunaan iti tricycle parking area.
Segun iti witness, nagballasiw ti Honda CB a motorsiklo a saanna a kinitkita no nawaya ti kalsada isu a nagdinnungparda iti TMX.
Agpada a nagsagaba iti dunor dagiti dua a drayber a naipaagas iti ospital para iti pannakatamingda.
