Nadundunor dagiti dua a lalaki nga agpada a nagmaneho iti motorsiklo gapu iti panagdinnungparda idiay Sitio Madula, Brgy. Turod Patac, Cabugao, Ilocos Sur.
Ti nagmaneho iti black Motoposh 125 a motorsiklo ket menor de edad nga agtawen iti sangapulo ket lima nga agnaed idiay Alinaay, Cabugao.
Ti met nagmaneho iti black and white Suzuki Raider 150 motorcycle ket agtawen iti duapulo ket dua, holder iti driver’s license nga agnaed idiay Barangay Alinaay, Cabugao.
Agpapalaud a direksyon ti motoposh idinto nga aggapu iti bangir a direksyon ti raider idin nadanonda iti nasao a lugar ket immagaw ti linya ti raider iti linya ti motoposh a gappuanan iti panagdinnungparda.
Agpada a nadundunor dagiti driver isu a naipanda iti Suero General Hospital, Cabugao para iti pannakatamingda.
