Nadunor dagiti nagkalubbon iti motorsiklo gapu iti napasamak nga aksidente iti national highway ti Barangay Catayagan, Sta. Lucia, Ilocos Sur.
Ti Honda TMX a motorsiklo ket minaneho ti lalaki nga agtawen iti limapulo ket dua, agnaed iti nasao a lugar.
Ti met Yamaha Aerox 155 a motorsiklo ket minaneho ti lalaki nga agtawen iti tallopulo ket tallo, agnaed iti Ilagan City, Isabela, backrider-na ti babai nga agtawen iti walopulo ket uppat, agnaed iti Barangay Supo, Tubo, Abra.
Maibasar iti CCTV footage, bimmallasiw ti TMX iti national highway idin ta nadungpar met daytoy ti agpapa-amianan nga Aerox.
Gapu dayta, nadunor ti nadumaduma a paset ti bagi dagiti nagkalubbon, idinto a saan a naan-ano ti drayber ti TMX.
Naipaagas iti ospital dagiti karaman iti aksidente para iti naan-anay a pannakatamingda.
