Maysa a nagmotorsiklo ti nadunor gapu iti napasamak nga aksidente iti national road ti Barangay Dayanki, Burgos, Ilocos Sur.
Ti Yamaha Mio 125 a motorsiklo ket minaneho ti lalaki nga agtawen iti limapulo ket walo, construction worker, agnaed iti nasao a lugar.
Ti met Honda Wave 125 a motorsiklo ket minaneho ti lalaki nga agtawen iti duapulo ket walo, backrider-na ti lalaki nga agtawen iti limapulo ket innem, agpada a construction worker ken taga-Barangay 27 Capacuan, Batac City, Ilocos Norte.
Rummuar ti Mio iti Dollente Street, a sumrek iti national road ti Barangay Dayanki nga agpa-amianan idinto nga agpa-bagatan met ti Wave.
Ngem idi magtengda ti nakapasamakan ti aksidente ket isun ti gundaway a nagdinnungpar dagiti 2 a lugan.
Nadunor ti nadumaduma a paset ti bagi ti drayber ti Mio idinto a saan met a naan-ano dagiti nagkalubbon.
