Awan ti nadangran iti panagdinnungpar dagiti 2 a lugan iti national highway ti Barangay Poblacion Norte, Santiago, Ilocos Sur.
Ti Toyota Inova ket minaneho ti babai nga agtawen iti tallopulo, agnaed iti nasao a lugar.
Ti met White Isuzu Forward ket minaneho ti lalaki nga agtawen iti tallopulo ket pito, taga-Villa Dilepaz, Tarlac City.
Agpapa-abagatan iti national highway ti Forward truck ket idi nadanonna ti nakapasamakan ti insidente, kangrunaan iti intersection a sumrek iti Barangay Sabangan, nagmenor ti trak tapno palabasen ti Inova a sumrek iti national highway.
Bayat a sumsumrek ti Inova iti national highway, nakigtot ti drayber idi madlawna nga adda sumungad a trak nga agbibiahe nga agpaamianan.
Tapno malisyan koma ti Inova ti trak, bigla nga inlisi ti drayber ti lugan a minanehona isu a nadungparna ti trak.
Kalpasan ti panagdinnungparda, dagus a naglibas ti drayber ti Inova isu a nangisayangkat a dagus dagiti nagresponde a pulis iti hot pursuit operation ket balligi a nalapdan ti lugan iti sangwanan ti pagtaengan ti drayber.
