Panagdinnungpar dagiti 2 a high-speed train iti Spain, nakatayan ti 21 a tao ken 100 ti nadunor

2 a high-speed train ti nagdinnungpar ken nadiskaril iti asideg ti Adamuz, Cordoba, Spain a nakatayan ti 21 a tattao ken 100 ti nadunor.

Napasamak ti aksidente iti rabii, 10 a minutos kalpasan a pimmanaw ti Iryo train a mapan idiay Madrid, a naidungpar iti Renfe train a mapan idiay Huelva.

Adda ti nasurok 300 a pasahero ti Iryo ken 100 iti Renfe.

Nasuspenso amin ti biahe iti nagbaetan ti Madrid ken Andalusia.

Nangikabil met dagiti lokal nga otoridad iti reception center para kadagiti pasahero, ken adu a pasahero ti nagaramat iti emergency hammer tapno makaruar.