Nadunor ti driver ken 13 a pasahero iti pannaka-aksidente ti maysa a van a nagturong iti maysa a pagtaengan nga inaradona idiay Cervantes, Ilocos Sur idi kalman, December 30, 2025.
Iti pannaki-uman ti Bombo Radyo Vigan ken ni PCapt. Oliver Sari iti Cervantes Municipal Police Station, nakaawatda ti tawag maipanggep iti napasamak nga aksidente isu a nagrespondeda.
Segun ken ni Sari, bayat iti panagsalog ti van ket naawanan iti preno ti driver a gappuanan iti panagderetsona iti maikadua a kadsaaran iti maysa a pagtaengan a kabatog laeng iti kalsada.
Kinunana nga uray nadadael iti pader iti pagtaengan ket awan iti nadangran nga agnaed iti nasao a balay ta nairana nga adda iti tao iti nasao a paset.
Mapatta-patta a P100,000 iti gatad ti nadadael a paset ti pagtaengan gapu iti aksidente.
