--Ads--
Naituding inton September 2 ti panangrugi ti imbestigasyon ti House Infrastructure Committee mainaig iti anomalya, palpak ken saan a husto a flood control project.
Dayta ti pinasingkedan ni Bicol Saro Partylist Rep. Terry Ridon, chairman ti House Committee on Public Accounts a maysa kadagiti tallo a komite ti House Infra Committee.
Segun ken ni Ridon, kangrunaan a naimbitaran dagiti opisial ti Department of Public Works and Highways, ken dagiti kontratista a dinakamat ni Presidente Ferdinand Marcos Jr a nakaala iti dakkel a kontrata ken proyekto agraman dagiti ‘ghost projects’ idiay Bulacan.
Maipasango pay iti nasao a panagdengngge dagiti maseknan nga ahensia ti gobierno tapno ilanadda ti proseso kadagiti proyekto.
-- ADVERTISEMENT --
