--Ads--
VIGAN CITY – Inpakaammo ni Senator Ronald Bato Dela Rosa a posible nga agleppasen inton Lunes ti mainaig iti PDEA leaks.
Manamnama a dumar-ay iti panagdengngeg inton Lunes da dati nga Executive Secretary Paquito Ochoa Jr. ken James Cumar.
Ti palawag ni Dela Rosa ket mainaig iti panangdillaw dagiti dadduma a senador gapo iti kinaado dagiti pinaayabanna a dumar-ay iti panagdengngeg inaig iti ibagbagana a PDEA leaks.
Iti maikatlo ngamin a panagdengngeg, saan a nagballigi ti senador a makabirok ti direkta a konektado kenni Pres. Ferdinand Marcos Jr inaig iti ilegal a droga .
-- ADVERTISEMENT --
Immunan a pinaglibakan ti PDEA ti drug watchlist idi 2012 a mapapati a karaman iti listaan ti agdama a Presidente.
