Pinasingkedan ni Senador Risa Hontiveros nga iti lima a tawen a Senate investigation kadagiti Philippine Offshore Gaming Operators (POGOs) ket naibutaktak iti network dagiti tattao a nanggundaway iti industria para iti personal gain-da.
Iti panagleppas ti maudi a hearing ti Senate Committee on Women, Children, Family Relations, and Gender Equality mainaig ti imbestigasion kadagiti POGO, kinuna ti Senadora a dagiti POGO ket naibutaktak a Trojan Horse.
Ti imbestigasion, a pakairamanan ti “Pastillas” probe, ket natakuatan ti web dagiti tattao a konektado ken ni dati a Presidente Rodrigo Duterte, ti dati nga adviser na a ni Michael Yang, ken dagiti karaman iti Pharmally scandal.
Indatag ni Hontiveros ti chart nga adda pakainaiganna da self-confessed Chinese spy She Zhijiang, dismissed Bamban, Tarlac Mayor Alice Guo, ken dagiti maipagarup a kabagianna, ni Cassie Ong, ken dati a pannakangiwat ti presidente a ni Harry Roque.
In-highlight ni Hontiveros ti kasapulan ti reporma iti birth registration, immigration, passport ken visa applications, business establishment procedures, bank secrecy, ken election systems.
Itan a nalpas dagiti hearing iti POGO, impaganetget ni Hontiveros a daytoy ket pangrugian laeng dagiti legislative reforms tapno malapdan dagiti masanguanan a panagabuso.
