--Ads--
Kinumpirmaran ti Department of Justice (DOJ) nga inyakar ti Korte Suprema idiay Quezon City ti panagdenggeg kadagiti kaso ti missing sabungeros.
Segun ken ni DOJ Spokesperson Atty. Polo Martinez, manipod kadagiti Regional Trial Court iti Lipa, Batangas; Sta. Cruz ken San Pablo Laguna ket mangngegan dagiti kaso a Kidnapping with Homicide ken Kidnapping and Serious Illegal Detention idiay Quezon City RTC.
Ti addang ket kalpasan a nag-mosyon ti panel of prosecutors para iti seguridad ken kadagsen dagiti kaso.
Kinuina ni Martinez nga idi February 5 pay laeng nga inruar ti Korte ti resolusyon ngem idi Abril ken Mayo laeng a nai-raffle ken naipakaammo kadagiti korte a mangiggem.
-- ADVERTISEMENT --
