--Ads--
Impasigurado ni House Committee on Ethics and Privileges Chairman ken 4Ps Partylist Rep. JC Abalos a saan a mayaleng-aleng ti panagbuya ti maysa a kongresista iti cellphone-na iti sabong bayat ti session ti kamara.
Segun ken ni Abalos, ti tignayda mainaig iti nasao a banag ket maidalan iti husto, nadayaw ken nainkalintegan a wagas.
Innayon ti kongresista a nasken a masurot ti husto a proseso, mekanismo ken pagibasaran ti Kongreso mainaig iti panangdisiplina kadagiti miembro.
Dinakamat met ni Abalos nga awan pay ita ti naawatda a pormal a reklamo kontra ken ni AGAP Partylist Rep. Nicanor Briones a nangamin nga isuna ti adda iti likudan ti viral video ken ladawan ti agbuybuya iti sabong iti session idi Lunes.
-- ADVERTISEMENT --
