Patien ti maysa a political analyst a ti panagbisita ni Vice President Sara Duterte ken ni dati a vice president Leni Robredo ket mabalin nga ad-adda a maipanggep ti politika ngem iti personal a banag.
Daytoy ket kalpasan a rimmuar dagiti espekulasion ti panagtitinnulong da Duterte ken Robredo para iti sumaruno a national elections.
Segun kenni political analyst Ronald Llamas, ammo ti kaaduan nga uray awan iti political agenda ni Leni, saan a mabalin nga awan iti political agenda ni VP Sara gapu ta saanda nga aggayyem, ken naudi a nagkitada ket nasurok walo a tawenen ti napalabas, ken ti maikadua ket na-demonize ti dati a bise presidente idi nakatugaw a Presidente ti ama ni VP Sara a ni former President Rodrigo Duterte.
Innayon pay ni Llamas nga iti napalabas a sumagmamano a bulan ket adu dagiti sangsanguen nga issue dagiti Duterte, ken awan iti basehan nga agbalinda a naasideg ti tunngal maysa.
Inyunay-unay pay ni Llamas a ti mabalin a rason ni VP Sara iti likudan ti panagbisitana ket wagas tapno makontrol manen dagiti Duterte ti salaysay a kas ti inurbrana ti Senate of Congress hearing, a binaliwanna ti istorya gapu ta makor-corner, ken maibibus dagiti political base na, ken bumabbaba dagiti ratings na iti survey.
Malaksid pay dayta, innayon ti political analyst a ti panagbisita ni VP Sara ket mabalin met a makita a kas “bare threat against the Marcoses.”
