--Ads--
Posible a saan a makabisita iti International Criminal Court detention center ti pamilia ni dati a Presidente Rodrigo Duterte inton Paskua.
Segun iti legal counsel ni Duterte a ni Nicholas Kaufman, imposible dagiti regular visit ta court holidays dagiti petsa a December 25 ken December 26.
Gapu ta kayat ni Duterte a makadua ti pamiliana inton paskua, mabalin a maipalubos ti panagbisita no balligi ti depensa iti panangkiddaw iti espesial a permiso.
Numan pay aminado ni Kaufman nga awan kasiguradoanna no mapalubosan ti espesial a panagbisita, kunana a padasenna ti agkiddaw iti ICC.
-- ADVERTISEMENT --
