VIGAN CITY – Mauyuray iti panggeddeng ti National Inter-Agency Task Force inaig iti pannakaipalubos nga ipapan kadagiti kamposanto inton October 31 agingga November 3 a piesta dagiti natay.
Iti pannaki-uman ti Bombo Radyo Vigan ken ni Governor Ryan Singson, nasaysayaat no urayen iti panggeddeng ti IATF ngem kalikagumna a maipaima kadagiti local government unit ti desisyon ta bimmaban iti aktibo a kaso iti probinsia.
Segun ken ni Gov. Singson, nu man bilang a LGU iti agdesisyon ket nasaysayaat ta maituding ti shedule a papan dagiti tao tapno saanda nga agdudupudop.
Kabayatanna, anamungan ni Pastor Benny Argallon manipod ti Alpha And Omega International Christian Ministries Incorporated iti kapapanunutan ti gobernador a maisayangkat iti panagbisita ngem malimitaran laeng dagiti mapan ta bassit ti kaso iti covid-19.
