VIGAN CITY – Maragsakan ni Provincial Jail Warden Raymond Tabios iti pannakaipalubos a bumisita dagiti pamilya ti Person’s Deprived of Liberty idiay Ilocos Sur Provincial Jail.
Iti pannaki-uman ti Bombo Radyo Vigan kenni Tabios, dua a tawen nga awan iti napalubos a bumisita kadagiti PDL ket agyamyaman isuda kenni Governor Ryan Singson iti nagbalin a desisyonda nga ipalubos iti panagbisita ta nakaipasidongen ti probinsya ti Alert Level 1 iso nga agtataripnongda kadagiti maipatungpal a guidelines.
Kinuna ti opisyal a maysa kadagiti kasapolan ket ti appointment no bumista dagiti pamilyada ken adda iti mailatang nga oras iti panagtalinaedda ken makasarita dagiti ayayatenda ken tapno saan a dupodop dagiti tattao iti uneg ta kayatda a liklikan iti posible a panagwaras ti COVID19 iso a maysa pay laeng a kameng ti pamilyada iti mapalubosan ken masapol a maipakita ti vaccination card.
Innayon ni Tabios a maawatanda a mailiw dagiti PDL ti pamilyada ta babaen laeng idi ti videocall iti panagkitkitada idi karikot ti COVID19 pandemic.
Ti agdama pakabuklan a dua gasut sangapulo a PDL ti Ilocos Sur Provincial Jail.
