Vigan City – Impakammo ti mangidaulo ti Social Security System- Vigan Branch a ni Cecille Sally a napaatiddog pay agingga inton June 15 iti panagbayad dagiti miembro iti SSS nga agbaybayad iti kontribusyonda.
Segun kenni Sally, mabalin nga agbayad agingga June 15 dagiti self-employed, voluntary ken non-working spouse iti saanda a nabayadan iti bulan iti Enero, Pebrero ken Marso ken kasta pay a mabalin pay a bayadan ti 1st quarter.
Naisanud iti deadline gapu iti community quarantine ken tapno maikkanda iti gundaway tapno makabayad iti kontribusyonda.
Iti sabali a bangir, impalawag ni Sally a nakadepende iti naggapuan a rehiyon iti maala a gatad iti Small Business Wage Subsidy ta adda iti makaala iti 5,500 a pisos ken adda pay iti 8,000 a pisos.
Kasta pay kinunana a dagiti laeng makaala iti nasao a tulong pinansyal ket dagiti emplyado a naabutan iti March 17 agingga May 31 iti pagtrabtrabahoanna gapu iti covid-19.
