Nadardaras itan ti panangsulbar iti parikut kadagiti pagubraan ta epektibon ti conciliation-mediation process iti salinong ti single entry approach ti Department of Labor and Employment.
Gapu dayta, dagus a matignayanen dagiti labor issu a saanen a nagastos ken awanem ti atiddug a legal proceedings.
Maibasar iti baro a guidelines, saanen a marigatan dagiti mangmangged nga agipila iti request for assistance ta mabalindan nga ipasa iti kaasitgan a DOLE office.
Sakupna daytoy dagiti platform worker, freelancer ken dagiti employee a nakakontrata.
Para met kadagiti saan a personal a makapan tapno agipasa iti request for assistance da ket mabalin nga idalan babaen iti authorized representative.
Kabayatanna, inrusat ti DOLE ti Assistance for Request Management System a maysa a digital platform a pakaipalubosan dagiti mangmangged ken employer nga agipila, i-track ken sulbaren ti isyu online.
