--Ads--
Narugianen a matratar iti plenaryo ti gakat a ti gagemna ket pagbalinen nga innem a tawen ti panagserbi dagiti nabotosan nga opisial ti barangay ken Sangguniang Kabataan.
Iti salinong ti Senate Bill 2816, agbalin nga innem a tawen ti panagtakem dagiti barangay ken SK official ken mabalin agingga dua a termino.
Nakailanad pay iti gakat a maisayangkat ti sumaruno nga eleksyon iti maikadua a Lunes ti Mayo inton 2029 tapno innem a tawen ti napalabas manipud iti naudi nga eleksyon idi 2023.
Mamati dagiti senador nga ababa unay ti tallo a tawen tapno maipatungpal dagiti barangay ken SK official dagiti programa ken reporma iti masakypanda.
-- ADVERTISEMENT --
