VIGAN CITY – Awan iti parikot iti Samahang Industriya ng Agrikultura (SINAG) iti panagbalin pay laeng a secretary ti Department of Agriculture ni President-Elect Ferdinand Bongbong Marcos Jr.
Iti pannaki-uman ti Bombo Radyo Vigan ken ni Engr. Rosendo So a chairman iti SINAG, nakitana a masapul a dalusan ni Marcos iti nasao nga ahensya.
Natalek ni So a nadaras laeng a masolbar ni Marcos iti parikot iti ahensya ta ammona a matutukan ti importasyon wenno sumsumrek iti pagilian isu a nasayaat nu isunan ti mismo nga agtugaw iti nasao a pwesto.
Segun ken ni So, rumbeng laeng nga agpokus iti tallo wenno uppat a high producing milled rice ta umabot ngamin ti duapulo ket uppat a bin-i iti ipro-produce ti PhilRice.
Patien pay ni So a bassit laeng iti rumbeng a mainayon a pondo para iti nasao nga ahensya ta saan a parikot iti ibagbagada nga underbudget ta nu husto ti pakaipanan ti kuarta ket makatulong para iti panangpasayaat iti sektor iti agrikultura.
