Natalek ti Sta. Maria Local Government Unit a rumegta iti ekonomia iti ili ti Sta. Maria kalpasan nga innaganan ni Pope Francis ti Sanctuary of Our Lady of the Assumption Church iti nasao nga ili kas Minor Basilica.
Iti pannaki-uman ti Bombo Radyo Vigan ken ni Michael Florendo nga acting mayor iti ili ti Sta. Maria, masapul nga agsagana ti ili iti manamnama a panagado dagiti pilgrim nga agturong iti simbaan.
Segun ken ni Florendo, manamnama a maparegta iti turismo ken uray negosyo ta maital-oda iti produkto nga ipanpannakkelda.
Ipasiguradona a makikammayetda iti Municipal Tourism office tapno masaganaan dagiti hotel and restaurant iti idadar-ay dagiti turista iti nasao nga ili.
Kinunana pay a ti panagsaritada ken ni Fr. Ernie Juarez a Parish Priest ti Our Lady of the Assumption Church ket manamnama iti panagbaliw ti schedule dagiti misa a maisayangkat ta posible a maipada iti schedule a maipatpatungpal iti Our Lady of Manaoag a daydaywen met laeng dagiti katoliko.
Maisayangkat ti solemn eucharistic declaration inton August 15, 2025, aldaw ti kapiestaan ti Our Lady of the Assumption.
VIDEO – STA MARIA ACTING MAYOR MICHAEL FLORENDO
