Siam a tattao iti natay pakairamanan dagiti innem nga ubbing ta nagbaliktad ti maysa nga SUV iti Florida canal idiay Palm Beach County.
Segun kadagiti otoridad, ti kakaisuna a nakalasat ket nadundunor isu a naipan iti ospital para ti pannakatamingna.
Segun ti Fire Rescue Capt. Tom Reyes, nasarakan ti first responders ti lugan a nakabaliktad ket ti pilid laeng ti makitkita.
Agturong ti lugan iti westbound iti Hatton Highway idi nagpalya ti panagsikko ti driver a gappuanan iti pannakadungparda iti guardrail ket nagbaliktad iti canal.
Uppat kadagiti biktima ti naideklarar a natay nga insigida idinto a dagiti innem ket naipan iti ospital ngem natay bayat a matamtaming dagiti lima.
Dagiti biktima ket pakairaman dagiti innem nga ubbing nga agtawen ti maysa, tallo, lima, walo ken sangapulo ket uppat.
