VIGAN CITY – Naisayangkat ita nga aldaw ti Ceremonial Vaccination para kadagiti estudyante ti teriary level wenno dagiti adda ti kolehiyo ti University of Northern Philippines.
Iti pannaki-uman ti Bombo Radyo Vigan kenni CHED Regional Director Dr. Rogelio Galera Jr, paset ti panagsagana ti limited face to face classes iti panagbakuna da kadagiti estudyante ti kolehiyo ta maysa kadagiti kasapolan ket fully vaccinated dagiti agadadal ken faculty ken non teaching staff.
Kalikagum ti CHED inton bulan ti december ket addan ton ti limited expanded face to face ti amin a programa wenno kurso ket mabalinen nga aglukat no laketdi natungpalda dagiti pagannurutan.
Agtultuloy ti palagip da kadagiti estudyante nga uray aniaman a bakuna ti maitudok kadakuada ket natalged para kadakuada.
Innayon ni University of Northern Philippines President Dr. Erwin Cadorna, nasurok tallo gasut nga estudyante ti nag-pre register a mangayat nga agpabakuna nga estudyante babaen iti pannakikinnammayet ti City Government of Vigan.
Kiniddawda kadagiti agadadal nga no adda dagiti kamammuda wenno padada nga estudyante ket allukoyen da ida nga agpabakuna ta maysa da kadagiti aktibo nga agararamat ti social media tapno nadardaras ti panangrugi ti face to face classes.
