Inkari ni Acting Philippine National Police Chief Police Lt. Gen. Jose Melencio Nartatez Jr. a papigsaen-da pay ti panangipatungpal ti linteg iti 2026 tapno mapagtalinaed ti panagbaba ti krimen idi napan a tawen.
Manipud ti Enero 1 agingga Disiembre 31, 2025, bimmaba iti 12.4% dagiti focus crime no ikumpara idi 2024 a pakairamanan ti 22.68% ti rape, 20.18% ti carnapping, 17.8% ti murder, 14.98% ti homicide, 13.98% ti physical injury, 11.87% ti robbery, ken 4.31% ti theft.
Pinasingkedan ni Nartatez a ti panagbaba ti krimen ti pagilian ket gapu ti agtultuloy a police visibility ken natibtibker a koordinasion dagiti pannakabagi ti linteg kadagiti lokal a gobierno.
Dinakamat pay ti mangidadaulo ti PNP ti napateg a papel ti publiko ken impasigurado na ti agtultuloy a data-driven policing, preventive patrols ken napaspas a panag-responde. Reynand Fontejon
