Pinasingkedan ni Presidente Ferdinand Marcos Jr nga inatendaranna ti pannakaitabon ni Pope Francis kas panangipakita iti respeto.
Iti maysa nga statement, kinuna ti presidente a saanna laeng nga ibagi ti gobierno ti pagilian no di ket dagiti Pilipino a managkararag, napnuan namnama ken managyaman – a kayatda ti adda idiay tapnon pagyamanan ti shepherd a ni Pope Francis.
Naituding ti panagsubli ditoy pagilian da Marcos Jr ken ni First Lady Liza Araneta-Marcos ditoy pagilian inton bigat, Abril 28 kas kinumpirmaran ti Presidential Communications Office.
Simmangpet dagiti first couple idiay Roma idi Biernes tapno atendaran ti pannakaitabon ti Santo Papa kadua dagiti world leader, dignitaries, ken ti rinibo a Katoliko nga agpammati.
Naitabon ti Santo Papa idiay Basilica of Saint Mary Major, ruar iti Vatican ngem paset iti Rome.
