VIGAN CITY – Agtultuloy iti pannakaipaay ti Livelihood project kadagiti person deprived of liberty idiay Ilocos Sur Provincial Jail.
Iti pannaki-uman ti Bombo Radyo Vigan kenni Provincial Jail Warden Raymond Tabios, dakkel a tulong kadagiti PDL iti baro a proyekto a panagaramid ken panagilako ti cement bricks a paset payen iti agtultuloy a panagbalballiwda.
Napanunutan ni Tabios iti panagaramid ti cement brick bayat iti pannaka quarantinena ta nangkitkita ken nangpanpanunut iti aniyapay a mabalin a proyektoda para kadagiti PDL.
Ado iti nalalaing a karpintero, mekaniko ken dadduma pay iti uneg ti provincial jail iso a nadarasda nakasursuro no kasano iti panagaramid ti cement bricks.
Inallukoy ti opisyal dagiti umili kangrunaan dagiti mahilig ti panaggarden ken dadduma pay a gumatang iti produkto da ta dakkel a tulong daytoy iti pamilya dagiti PDL.
