Ad-adalen ti Department of Public Works and Highways (DPWH) ti panagaramat kadagiti kabaroanan a teknolohia tapno solusyonan ti nabayagen a parikot iti erosion ken landslide iti Cordillera region.
Nairaman iti 2027 budget ti DPWH ti pondo para iti kabaroanan a teknolohia.
Mapatta-patta a P3 billion ti damage idiay Cordillera iti masimpa babaen ti Quick Response Funds wenno QRF.
Karaman a simpaen ti Benguet-Vizcaya Road, Beckel, La Trinidad a pakaipanan ti 75-meter double-crib wall nga adda mechanical stability system-na kas slope protection.
Target ti DPWH a leppasen ti proyekto iti sangapulo ket maysa a bulan ken P75 million ti nailatang manipod QRF.
Makikamkammayet pay ti DPWH kadagiti eksperto manipod Japan tapno matibkeren ti nadadael a metal curtain wall iti Daclan, Tublay.
Mangipanda pay ti shotcrete slope protection iti ngato ti kabambantayan a manglapped iti panagreggaay iti daga ken bato.
