VIGAN CITY- Saan ton a mabalin nga agipadawat ken agusar ti platic bag dagiti agtagilako iti probinsiya kalpasan iti innem a bulan ta maipatungpal ton ti ordinansa ni Sangguniang Panlalawigan Member Christopher Baterina a naapprubaran iti maudi a pannakaibasa na idiay sangguniang panlalawigan a ti gagem na ket makissayan dagiti maibelbelleng a plastic a kangrunaan a pakaigappuan ti polusyon.
Segun kenni Baterina, ti innem a bulan ti agserbi a pawayway dagiti establishimento tapno ibusen dagiti plastic bags a saan ton a mausar ta no labsingen da ti ordinansa ket a madusa da.
Babaen iti ordinansa ket maguyugoy dagiti umili kangrunaan dagiti makityenda nga agaramat kadagiti reusable a container kas iti bay-on no nangruna dagiti mapan makitienda.
