--Ads--
Ngimmato iti 7.6 percent ti meat imports ti pagilian, katukad iti 1.14 milion metric tons manipud Enero agingga Agosto 2026, gapu iti panagadu dagiti imported a baboy ken manok.
Immadu iti lima a porsiento ti pork imports, katukad iti 602,655 MT, idinto a ngimmato met iti 15 percent ti chicken imports, katukad iti 369,926 MT, segun iti Bureau of Animal Industry.
Kabayatanna, bimmaba iti 5.2 percent ti beef imports, katukad iti 124,830 MT, idinto a ti Brazil, United States ken Australia ti kangrunaan a pagtataudan ti imported a karne.
Segun iti US Department of Agriculture, manamnama nga agtultuloy a ngumato ti maangkat a baboy ken manok ti Pilipinas inton 2027 gapu iti immadu a populasion ken panagpangato ti demand.
-- ADVERTISEMENT --
