Temporario a sinuspenso ti Department of Agriculture ti panagangkat ti sisibiag a dingwen ken dadduma pay nga animal products manipud iti pito a pagilian idiay Middle East ken Europe gapu kadagiti outbreak ti foot-and-mouth disease (FMD).
Sakop ti suspension dagiti produkto manipud iti Azerbaijan, Bahrain, Cyprus, Iraq, Israel, Kuwait ken Palestine.
Iti salinong ti Department Circular No. 39, maiparit ti panangiserrek dagiti live swine, cattle, nuang ken dadduma pay a dingwen a mabalin a tamaan ti FMD.
Karaman pay iti maiparit ti panagangkat ti fresh skeletal muscle meat, casings, tallow, hooves, horns ken animal semen manipud kadagiti nadakamat a pagilian.
Inlawlawag ti DA a mabalin latta a makastrek iti pagilian dagiti produkto a maibilang a “safe commodities” ti World Organization for Animal Health, basta sumurot dagituy iti nainget nga import requirements ken veterinary standards.
