--Ads--
Impalubos ti Department of Agriculture ti panagangkat iti nalabaga ken puraw a sibuyas agraman ti carrots tapno mailaklaka ken mapagtalinaed ti presio kadagiti tiendaan.
Segun ken ni Agriculture Secretary Francisco Tiu Laurel Jr., ngimmato iti P140-P160 kada kilo ti presio ti nalabaga a sibuyas isu a napaalisto ti panagsangpet ti 3,000-5,000 a metriko tonelada sakbay ti panagaapit inton Pebrero.
Ti panagangkat iti puraw a sibuyas a narugian idi napan a bulan ket isu ti limmakaan ti presyona iti P100-120 manipud iti dati a P160.
Narugian payen ti panagangkat iti limitado a volume ti carrots idi Oktubre 1 manipud China, Netherlands, ken Cambodia kalpasan a ngimmina iti P257.58 kada kilo ti presiona idiay Metro Manila.
-- ADVERTISEMENT --
