Umadu pay ti trabaho para kadagiti Pilipino iti agtapos ti 2024.
Segun ken ni Philippine Economic Zone Authority Director General Tereso Panga, dayta ket gapu iti panagadu ti ecozone iti nadumaduma a lugar iti pagilian kangrunaan iti Calabarzon.
Umabot met iti sangapulo ket maysa ti adda idiay Calabarzon, dua idiay Cebu, ken adda pay iti National Capital Region, Pampanga, ken Central Luzon isu nga iti agtapos ita a tawen ket manamnama ti 60,000 agingga 80,000 a trabaho ti mapataud.
Umabot met iti 179 dagiti naaprubaran nga expansion projects manipud January agingga September ita a tawen, a makapastrek iti 2.5 billion dollar investment.
Natalek ti PEZA nga iti maudi a quarter ti tawen ket maabot ti target a 200 billion peso investment para iti 2024.
