VIGAN CITY – Nagpalagip ti Highway Patrol Group kadagiti motorista a saan a mabalin ti ag-over take iti akin-kannawan a paset iti kalsada iti probinsia iti Ilocos Sur.
Iti pannaki-uman ti Bombo Radyo Vigan ken ni HPG Provincial Officer Jordan Sambo, panaglabsing iti RA 4136 wenno ti Land Transportation and Traffic Code iti Section 39 nu ag-over take iti akin-kannawan a paset ti kalsada ta para laeng kadagiti slow-moving vehicle, pedestrian ken cyclist.
Inyunay-unayna a ti laeng pagdalanan dagiti 4-wheels ket iti naaspalto a paset ti kalsada nga adda iti puraw a lining-na ket ti laeng mabalinda a pag-over take-an ket iti ak-kannigid a paset ti kalsada.
Aniaman a rason dagiti motorista ket saan a mabigbig ta maibilang a reckless driving iti ar-aramidenda a posible a pagpeggadan dagiti rumbeng a dumalan ti nasao a paset iti kalsada.
Umabot iti P2,000 iti muelta dagiti aglabsing iti salinong iti RA 4136 ken iti salinong iti Provincial Ordinance wenno maaramat ti Traffic Citation Ticket ket isu met laeng ti gatad a muelta gapu iti illegal over-taking.
