Inwaragawag ni Philippine National Police Chief General Jose Melencio Nartatez Jr. a maibilangen a case solved ti kaso a pammapatay ken ni Mima Alicia idiay Caloocan City idi July 17.
Segun ken ni Nartatez, 6 dagiti maibilang a suspek iti pammapatay a ti tallo ket addan iti kustodia dagiti pannakabagi ti linteg idinto a dagiti tallo pay a sabali ket agtaltalinaed nga at large.
Immuna a nakemmeg dagiti dua a suspek a maitudtudo a gunman ken drayber idinto a maysa pay ti simmuko idi July 24 a daytoy ket nagserbi a middleman a nangkontak ken nangipatpatulod iti kuarta kadagiti dua nga immuna a nakemmeg a suspek.
Nabigbigen dagiti dua nga at large idinto nga adda pay maysa a jane doe dagiti pannakabagi ti linteg.
Naipila metten dagiti kaso a murder, frustrated murder, ken dadduma pay a kaso nga adda pakainaiganna kadagiti nakumpiskar a paltog ken granada.
