Pinasingkedan ni Atty. Kim Henares a dati a Commissioner iti Bureau of Internal Revenue a kasapulan pay nga umuna iti pammalubos manipod ken ni Pres. Ferdinand Marcos Jr. sakbay a mairuar ti tax records da Vice President Sara Duterte ken misterna a ni Atty. Manases Carpio iti impeachment trial.
Nakalanad ti Section 71 ti National Internal Revenue Code a kasapulan ti panagaprubar ti presidente sakbay a maadal ti aniaman a tax documents.
Kinunana a nakalanad ti tax code nga adda otoridad ti mismo a commissioner iti BIR a kiddawen dayta iti presidente.
No kas bilang ipa-subpoena ti BIR commissioner, isuna ti agkiddaw ti otorisasyon iti presidente.
Linagip ni Atty. Henares iti trial idi ni chie justice Renato Corona, ket nag-isyu ti subpoena ti Senate impeachment court iti BIR para iti pannakairuar ti income tax returns iti dati a mahistrado ken sumagmamano kadagiti kabagyanna.
Naaramid ni Henares a mairuar ti tax records ta nagkiddaw isuna ti approval manipod iti dati a Pres. Benigno Aquino III.
Nagtaud ti isyu iti panagpa-subpoena ti tax karamanen ti bank records iti bise presidente tapno suportaran dagiti akusasyon kontra kenkuana ti salinong ti Article II iti Articles of Impeachment.
