--Ads--
VIGAN CITY – Saan a nadangran ti maysa a lalaki kalpasan nga adda nanggandat kenkuana a mangpaltog idiay Sitio Manganup, San Sebastian, San Vicente.
Nabigbig ti biktima a ni Dominic Caiste, agtawen ti tallopulo ket innem, maysa a seaman nga agnaed iti Sitio Manganup, San Sebastian, San Vicente.
Agpapa-abagatan a direksion ni Caiste a nakalugan iti kotsena agingga idi agpakannigid koma iti kalsada ket pinaltugan ti nakamotorsiklo a suspek iti likudan a paset ti luganna.
Iti agdama, saan pay a nabigbig no ania a klase ti paltog ti inaramat ti suspek a nakalibas ngem agim-imbestigaren dagiti pannakabagi ti linteg no siasino ti suspek ken no ania ti motibona iti napasamak.
-- ADVERTISEMENT --
