VIGAN CITY – Blangko pay laeng dagiti kameng ti San Juan municipal police station nu anya iti motibo ken pakabigbigan dagiti suspek a nangpaltog ken ni Apolo Villacillo nga agtawen iti uppat a pulo ket siyam, adda ti live in partner na ken agnaed idiay Lira, San Juan idi June 10.
Agawid kuman ti biktima a napan gimmatang ti agas na ket idi nakadanun iti arko idiay Barangay Pandayan, adda dagiti riding in tandem suspects a nangpaltog kenkuana a poon iti nakatayan na.
Segun ken ni Police Captain Jade Macaraeg, hepe ti San Juan municipal police station, manarimaanen iti pannakikinnammayet da kadagiti agindeg idiay Barangay Pandayan nga adda iti nakamuntar a CCTV kadagiti pagtaengan da a posible a makatulong iti imbestigasyon da.
Inbaga ni Macaraeg a maibasar iti panagsalsaludsod da kadagiti maka-am-ammo ti biktima ket nasingpet a tao ni Villacillo ngem adda iti sangsangwen na a kaso a malversation of public fund idi nag-treasurer iti barangay da.
