VIGAN CITY – Natay ni Jaylord Cabudol Billedo, agtawen iti duapulo ket maysa, college student, agnaed iti Zone 7, Bangued, Abra gapu ti pammagkong a napasamak idiay Barangay Apatot, San Esteban.
Nabigbig ti suspek a ni Keithy Brillantes Ghale, agtawen iti duapulo ket tallo, agnaed iti Patiao, Peñarubia, Abra.
Iti pannaki-uman ti Bombo Radyo Vigan ken ni PCapt. Rovic Nelmida, nag-outing ti biktima kadua ti kabagyanna ket adda family outing da idinto a ti suspek ken dagiti kaklasena ket agraragsakda met iti nasao a resort idin ta rimsua ti riri ket mapapati a nangasot ti suspek iti kutsilyo nga imbagkongna iti tyan ti biktima.
Naitaray ti biktima iti Candon City Hospital para ti pannakatamingna ngem saanen a nakalasat.
Nakalibas pay ti suspek ngem natiliw met laeng dagiti kameng ti San Esteban Police Station babaen iti hot pursuit operation.
Nupay kasta, maisagsagana metten ti homicide a kaso a maipila kontra iti suspek.
