VIGAN CITY – Pimmusay ti maysa a lalaki gapu iti napasamak a pammagkong idiay Brgy. Farola, Tagudin.
Nabigbig ti biktima a ni Arsenio Ader, agtawen iti tallo pulo ket siam idinto a ti suspek ket ni Fernando Realin, agtawen iti uppat a pulo ket walo.
Iti pannaki-uman ti Bombo Radyo Vigan kenni Police Chief Master Sergeant Lorenzo Cariaga, impakammu kadakuada ti maysa a witness a ni Dominador Alvester nga agin-inomda ti arak kenni Manzano idi dimteng ti suspek a nangarakup kenni Ader ken binagkongna iti barukongna.
Naipan ti Ilocos Sur District Hospital, Bio, Tagudin ti biktima para iti pannakatamingna ngem naitransfer idiay Ilocos Training and Regional Medical Center ket pimmusay gapu iti sinagabana a dunor.
Iggemen ti PNP ti suspek pakairamanan ti naaramat a patadem iti napasamak a krimen ken mapapati a gapu iti saan a panagkikinnawatan ken kinabartek no apay a napasamak ti pammagkong.
