VIGAN CITY – Mapapati nga imon ti rason iti nangbakongan ti maysa a lalaki ti kina-inomanna idiay Brgy. Baliw Laud, Sta. Maria.
Iti pannaki-uman ti Bombo Radyo Vigan ken ni PLt. Joel Dasargo nga OIC iti Sta. Maria PNP, naggi-inom da Mark Lester Racca Quintana, agtawen ti duapulo ket pito a taga-Maynganay Norte, Sta. Maria ken ti live-in partner-na kaduada ni Jakeson Rabinol Lucendo, agtawen ti tallopulo ket pito, baro, tubo iti Parparia, Narvacan ngem agdama nga agnanaed idiay Brgy. Baliw Laud, Sta. Maria idin adda saan a nagkinnaawatan dagiti aglive-in.
Segun ken ni Dasargo, nagatap ni Quintana nga adda ti relasyon da Lucendo ken ti kalive-inna isu a nagsinnungbatda ngem naganawa ni Lucendo a gappuanan iti panagdinnangranda ken pannakabagkong ni Quintana.
Nagpaarayat ti biktima kadagiti pannakabagi ti linteg isu a naipan iti ISDH Narvacan para iti pannakatamingna idinto a naipan met laeng iti nasao nga ospital ti suspek ken ti live-in partner ti biktima tapno dumalan ti medico legal examination.
Naala ti nakapasamakan ti pammagkong iti nasurok kumurang lima agingga pito a pulgada iti kitchen knife.
Gapu iti pasamak ket kaso nga frustrated homicide iti naipila kontra ti suspek nga agdama pay a sumangsango iti kaso a murder a napasamak idi May 14, 2013 iti ili ti Narvacan.
